Twitter eta WhatsApp erotu dituen argazki biralaren kolore aldaketaren azalpena

Argazki magiko batek Twitter eta WhatsApp erotu ditu ostegun honetan, irudian agertzen diren ezpainen eta azazkalen koloreak hirutan aldatzen baitira: kolore arrosa argi batetik gorri-morera pasatzen da, lehenengo, eta berde batera, gero. Ba al dakizue zergatik?

Kolorez aldatzen zen jantziarekin gertatu bezala, eztabaidak bazterrak astindu ditu. Oraingo honetan, .png formatuko argazki bat erabili dute ezpainak eta azazkalak kapa gardenetan irudikatzeko, eta, ondorioz, irudi azpiko kolorea aldatzean argazkiko elementuen kolorea ere aldatzen da.

Horrela, azpiko kolorea zuria denean ezpainak eta azazkalak arrosa argi ikusten dira, baina argazkia sakatzean azpiko koloreak beltzera jotzen du eta gorri-moreak ikusten dira. Azkenik, argazkia partekatzean, txateko elkarrizketaren kolorea dela eta, berde bihurtzen dira ezpainak eta azazkalak.

WhatsAppeko argazkien muntaketa.