Aitak Salamancan atxikita zituen bi haur bizkaitar erreskatatu dituzte

Aitak Salamancan atxikita zituen 5 eta 7 urteko bi haur erreskatatu ditu Poliziak, eta Bizkaian bizi den amaren esku utzi ditu. Aitaren bila ari ziren, eta Salamancan aurkitu ostean, atxilotu eta epailearen aurrera eraman dute.

Espainiako Poliziak ohar bidez jakinarazi duenez, aitak haurrak hartu zituen eta bere izenean ez zegoen auto batean ihes egin zuen.

Duela hamabost egun inguru utzi behar zituen aitak haurrak amaren esku, baina ez zen hitzordura agertu. Haien bila ibili dira ordutik. Adin txikikoak Salamancako udalerri batean aurkitu zituzten, Ertzaintzaren, Guardia Zibilaren eta Polizia Nazionalaren elkarlanari esker.