Gizartea -
Istripua Nafarroan
Motor-gidari bat hil da Cordovillan, bidetik atera eta farola baten aurka jota
Hildako pertsona Daniel Perez da, EH Bilduko 34 urteko zinegotzia Irunberrin.
Agentziak | Erredakzioa
34 urteko Irunberriko motor-gidari bat hil da gaur goizaldean Cordovillan, bidetik atera eta farola eta semaforo baten aurka talka egin ostean. Ezbeharra PA-31 errepideko 0,1. kilometroan gertatu da, Iruñea hegoaldeko eta aireportuko sarbidean. Hildako pertsona Daniel Perez da, EH Bilduko zinegotzia Irunberrin.
Goizaldeko 04:20 aldera jaso du abisua SOS Nafarroak. Motor-gidaria anbulantzian hil da, ospitalera zeramatela, Foruzaingoak jakinarazi duenez.