Emakume batek ukituak salatu ditu sanferminetan

Iruñeko Udaleko Babes Zibilerako Batzordeak gaur goizean jakinarazi duenez, azken orduetan gizon bat atxilotu dute sexu-abusuengatik (ukituak) jarritako salaketa bati lotuta.

Udalak emakumearen eskura jarri du kasu hauetarako duen laguntza zerbitzua, orientazioa eta laguntza judizial zein psikologikoa emateko.

Protokolo berria abiarazita Iruñeko Udalak lortu nahi duen helburuetako bat biktimei babesa ematea da, arreta eta laguntza ematearen aldetik nola ikuspegi informatibotik.

Udal arduradunek argi esan dute edozein abusu gertatzen dela ere salatu egin behar dela bai arlo judizialean bai gizarte mailan ere, "arbuio aktiboa baita jarrera matxista hauekin amaitzeko modurik onena".

Bestalde, Udalak AgreStop/EraStop doako aplikazio garatu du, eraso matxista salatzen duten emakumeak geolokalizatzeko eta berehala Udaltzaingoa jakinaren gainean jartzeko.

_________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.