Gizartea -
Manada
'La Manada'ko guardia zibila pasaportea lortzen saiatu zen astelehenean
Sexu-abusuagatik zigortutako 'La Manada'ko beste kideek bezala, ez du pasaporterik, eta debekatuta dauka Espainiar estatutik irtetea epaitegien baimen berezirik gabe.
Agentziak | Erredakzioa
Antonio Manuel Guerrero, 'La Manada'ko guardia zibila pasaportea lortzen saiatu zen astelehenean, Espainiar estatutik irtetea galarazita duen arren. Bederatzi urteko kartzela zigorra jaso zuen sexu-abusuagatik.
Tablada-Sevilla bulegoan pasaporteak emateaz arduratzen denak atzera bota zuen eskaera.
Guardia zibilak hitzordua eskatu zuen tramitea egiteko, eta bulegora joan zen ekainaren 25ean 11:30etan, astelehenean. Ordubete beranduago, Sevillako guardiako epaitegira joan zen, Nafarroako Auzitegiak aske uzteko jarri zion baldintzetako bat betetzeko.
Sexu-abusuagatik zigortutako beste laurak bezala, astelehen, asteazken eta ostegunetan bere udalerriko epaitegira joan behar da.
Madrilera joatea, gainera, debekatuta daukate, bertan biktima bizi delako.
Ez dute pasaporterik, ezin dutelako baimenik gabe Espainiar espatutik atera. Beti aurkitzeko moduan egon behar dira.
Guerrerori, gainera, 300 euroko zigorra jarri zioten biktimaren telefono mugikorra lapurtzeagatik.
