Gizartea -
DONOSTIA
Bost familia etxetik atera behar izan dituzte Igeldon, lur-jausi ikusgarri batengatik
Luizia goizaldean izan da Donostian, Del Faro ibilbideko 57. zenbakin, eta errepidea erabat moztuta geratu da. Arratsaldean are euri gehiago egingo duelako atera dituzte etxetik bizilagunak.
EITB.EUS
Luizi ikusgarria izan da gaur goizaldean, 04:00ak aldera Donostian, Del Faro ibilbidearen 57. zenbakiaren parean, eta Igeldora doan itsasargiko igoera itxita geratu da ibilgailu guztientzat. Hala, Igeldotik sartu-atera egiteko, beste bideak erabiltzen ari dira bizilagunak.
Lur-jausiak ur-ihesa eragin du eta pare horretan dagoen etxean "kalte handiak" eragin ditu. Elektrizitatea ere moztu behar izan da horregatik.
06:00ak aldera, udal arkitektuak luziaren balorazioa egin du, eta lur mugimendua handia izan dela ikusita, eta meteorologoek arratsalderako euria iragarri dutela kontuan izanda, bost familia etxetik irtenarazi dituzte.
Bi familia hoteletara eraman dituzte, eta beste hiruak senideen etxeetara joan dira.
Igeldoko Atrakzio Parkean ere ezohiko bide bat ireki dute mendiaren gainaldean bizi diren bizilagunek euren etxeetatik hirira jaitsi eta igotzeko aukera izan dezaten.
