GI-632 errepidea itxita dago Deskargan auto-istripu bat dela eta

Emakume bat zauritu da, eta ospitalera eraman dute, Deskarga mendatean (Gipuzkoa) izandako zirkulazio-istripuan; hain zuzen, horrek zeraman ibilgailua malda batetik behera erori da, GI-632 errepidean, Segurtasun Sailak jakitera eman duenez.

Istripua 07:55 aldera jazo da, mendatearen jaitsieran, Antzuola udalean, Durangorako bidean.

Autoaren gidaria autoaren barruan geratu da harrapatuta, eta suhiltzaileek erreskatatu dute; gerora, ospitale batera eraman dute.

GI-632 errepideko puntu horretatik igaro behar dutenei, Udanatik eta Oñatitik joateko gomendatu die Ertzaintzak, errepidea itxita baitago.