Txinan angulak legez kanpo saltzen zituen sare bat desegin dute

Txinan angulak legez kanpo saltzen zituen nazioarteko sare bat desegin dute, Europar Batasuneko hainbat polizia indarrek elkarlanean burututako operazioan. Angula trafikora bideratutako inoizko sarerik handiena desegin dutela esan dute ikerketako arduradunek.

19 lagun atxilotu dituzte operazioan, zortzi Estatu espainiarrean eta bederatzi Grezian. Urtean zazpi milioi euroko irabaziak lortzen zituen sareak, poliziaren arabera.

Europako Batasunak 2010ean angulen esportazioa debekatu zuenetik, espezie horren legez kanpoko salmentaren kontra egin den operaziorik handiena da gaur jakitera eman dutena.

Europolek eta Eurojustek zuzendutako operazioan Espainiak, Portugalek, Frantziak, Greziak, Italiak eta Erresuma Batuak hartu dute parte.