Basaurik boluntarioak behar ditu herri-galdeketa batean laguntzeko

Basauriko Udalak boluntarioak bilatzeko prozesu bat ireki du, non udalerriko herritarrek (ahal dela langabetuak eta ikasleak) izena eman ahal izango duten San Fausto-Bidebieta-Pozokoetxeko berroneratzeko proiektuari buruz egingo den herri-galdeketan hautestontziak zaintzen egoteko. Herri-galdeketa irailaren 25ean izango da, eta interesdunek eskabideak aurkeztu ahal izango dituzte. Gainera, 75 euroko ordainsaria jasoko dute.

Hauteskunde-batzordearen irizpidearekin bat etorriz, kontsulta horretan parte hartzeko hautestontziak euskal hauteskunde autonomikoetarako hautesleku berberetan egongo dira, baina toki ezberdinetan; beraz, 32 pertsona beharko dira bertan egoteko, baita 32 ordezko ere.

Ildo horretatik, behar diren boluntarioak baino eskabide gehiago jasotzen badira, zozketa egingo da irailaren 13an, 12:00etan, udaletxeko osoko bilkuren aretoan.

Baldintzei dagokienez, Basaurin erroldatuta egotea, 18 urte baino gehiago izatea eta irakurtzen zein idazten jakitea (mahaiburuak izateko Batxilerreko edo Lanbide Heziketako titulua dutenei emango zaie lehentasuna) beharrezkoak dira.

Irailaren 9ra arte aurkeztu daitezke eskabideak honako toki hauetan: Basauriko Herritarren Arretarako Bulegoan (udaletxeko beheko solairuetan, Kareaga Goikoa kalea, 52), San Migelgo Herritarren Arretarako Bulegoan (Pagasarri kalea, z/g) edota kontsultabasauri@basauri.eus helbide elektronikoan.  Horretarako, datu hauek aurkeztu beharko dira: izena eta bi abizen, helbidea, NAN zenbakia, telefono-zenbakia (eta helbide elektronikoa, izanez gero), ikasketak eta lan-egoera.