Gizartea -

Nafarroa

Lau gizon atxilotu dituzte Nafarroan, tratu txarrak egotzita

Polizia Foralak adierazi duenez, atxiloketak Lizarran, Tafallan, Olaztin eta Funesen egin dituzte.

Agentziak | Erredakzioa

Whatsapp Facebook Twitter Telegram Email

Azken egunotan lau gizon atxilotu dituzte Nafarroan, tratu txarrak eman izana egotzita. Polizia Foralak ohar baten bitartez adierazi duenez, akusatuek euren senideei edo neska-lagunei tratu txarrak eman dizkiete.

Lizarran 19 urteko gazte bat atxilotu dute, bere gurasoek eta bere arrebak jarri dioten salaketa dela eta.

Era berean, ustez bere amari tratu txarrak emateagatik 20 urteko gizonezko bat atxilotu dute Tafallan.

Halaber, 44 urteko ustezko erasotzaile bat Olaztin atxilotu dute, bere neska-lagunari jotzea egotzita.

Azkenik, Funeseko auzokide bat atxilotu dute, 49 urtekoa, bere neska-lagun ohiarengana hurbiltzeko debekua urratu duelako.

Hau zure interesekoa bada, baliteke beste gai hauek ere izatea
Tratu txarrak adin txikikoak Tratu txarrak gaur Nafarroako albisteak Gizartea Albisteak Gaur Gaurko azken orduko albistea