Bilbon autobus batek harrapatu zuen txirrindularia hil egin da

Ekainaren hasieran Bilbobus batek harrapatu zuen txirrindularia hil egin da. Gizona larri zaurituta eraman zuten Barakaldoko Gurutzetako ospitalera, baina hilabetez bertan egon ostean, aste honetan hil da.

Horregatik, Bilboko Txirrindulari Elkarteak elkarretaratzea deitu du gaur arratsalderako, Bilboko Udaletxearen aurrean.

Era berean, txirrindulariaren heriotza gaitzesteko asmoz, bertaratuko direnei alkandora beltzak eramateko eskaera egin diete.

Istripua Bilboko Kale Nagusian gertatu zen, ekainaren 1ean. Udaltzaingoa ezbeharraren nondik norakoak ikertzen dago.