Gizon bat atxilotu dute Tuteran, adingabe bat erasotzen saiatzeagatik

28 urteko mutil bat atxilotu dute Tuteran, adingabe bati sexu erasoak egiten saiatu zelakoan.

Foruzaingoak jakitera eman duenez, ekainaren 7an izan zen ustezko erasoa, eta handik hiru egunera atxilotu zuten gizonezkoa, sexu eraso saiakera delitua egotzita.

Adin txikiko neskak salatu zuenez, ekainaren 7an, etxera bidean zihoala, atzetik gizon bat segika zuela ohartu zen. Bebarrura sartu zenean, ustezko erasotzailea gainera joan zitzaion eta ukituak egiten saiatu zen. Neskak ihes egitea lortu zuen.

Salaketa jarri zuen, eta emandako deskripzioari esker, Foruzaingoak ustezko erasotzailea atxilotu zuen. Antza, aurrekariak ditu, antzeko delituekin lotuta.

__________________________________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.