Sute batek zauritu bat utzi du Eibarren

45 urteko gizon bat zauritu da sute batean, Eibarren (Gipuzkoa), Segurtasun Saileko iturriek eitb.eus-i jakitera eman diotenez.

Antza denez, sua hiru solairuko etxebizitza bateko ganbaran piztu da 07:00ak aldera, Arragueta auzoan. Eibar, Azpeitia eta Oñatiko suhiltzaileak bertaratu dira.

Badaezpada bi etxebizitza (21 eta 19 zenbakiak) hustu dituzte.

Zauritua Gurutzetako ospitalera eraman dute. Gizonak erredurak ditu, batez ere besoetan eta hanketan.