Neonaziek svastika bat egin diote gazte bati besoan Bilbon

Neonazi batzuek gazte bati eraso egin zioten ostiral goizean Bilbon, eta labana bat erabiliz svastika bat egin zioten besoan, Ertzaintzak jakitera eman duenez.

Salaketa larunbatean jarri zuen gazteak Ertzaintza. Gertaera ostiral goizean jazo zen, Bilboko Arangoiti auzoan. Goizeko zazpietan gaztea etxera zihoan jaietan ibili ondoren, eraso egin ziotenean.

Antza, hiru pertsonek egin zioten eraso gazteari eta svastika bat eta 88 zenbakia egin zizkioten besoan. Labana bat erabili zuten horretarako. Ondoren, jipoitu egin zuten.

Sare Antifaxistak erasoa salatu du sare sozialetan eta gaztearen argazkiak argitaratu ditu.