Gizartea -
'Mar Nosso'
Hiru arrantzale hil dira, eta beste bi galdu, ontzia iraulita
Itsasontzian 12 lagun zihoazen, horietatik zazpi onik erreskatatu dituzte, lau hipotermia sintomak zituztela.
Erredakzioa
Hiru arrantzale hil dira eta beste bi desagertu 'Mar Nosso' itsasontzia (Portugalgo banderaduna) Naviako itsasadarretik 20 mila ingurura irauli ostean, Itsas Salbamenduko bozeramale batek zabaldu duenez.
Aipatu iturrien arabera, itsasontzian 12 lagun zihoazen, horietatik zazpi onik erreskatatu dituzte beste arrantza-ontzi bateko marinelek, eta horietako lau hipotermia zantzuak zituztenez, helikopteroz eraman dituzte Gijonera.
Mar da Galega arrantza-ontziak eman dio abisua Itsas Salbamenduari, beste itsasontzi bat irauli dela ikusi ostean, bera zegoen lekutik mila bat ingurura zegoenean. Istripua izan den lekura hurbildu eta zazpi lagun erreskatatzea lortu du.
Ondoren, beste ontzi batek bi gorpu jaso ditu uretatik, eta falta diren beste hiru lagunen bila lau itsasontzi, Salvamar ontzia eta Galiziako Xuntako helikoptero bat ari dira.
