Gizartea -
LOMCEren kontrako greba
Beste atxilotu bat Iruñean, arratsaldean piztutako istiluetan
Goizean zortzi pertsona atxilotu dituzte Nafarroako hiriburuan, eta arratsaldean berriz ere piztu dira istiluak, baimenik ez zuen elkarretaratze baten ostean.
Erredakzioa
Beste lagun bat atxilotu dituzte ostegun honetan Iruñean, arratsaldean piztu diren istiluetan. Baimenduta ez zegoen elkarretaratze baten ostean hasi dira liskarrak, Polizia Nazionalak jakitera eman duenez.
Iturri horien arabera, agenteen kontra objektuak jaurtiki dituzte eta kalteak eragin dituzte hiri-altzarietan. Istiluak 19:00etan abiatu dira, elkarretaratzea arazorik gabe bukatu ostean. Bertatik gertu zegoen talde batek kalteak eragin ditu hiri-altzarietan eta Poliziak disolbatu egin ditu, istiluen-kontrako material erabilita.
Liskarrak, ondoren, Alde Zaharrerantz zabaldu dira. Hala, Mercaderes kaleko banketxe baten eta hainbat solastokiren beirateak apurtu dituzte, harriak jaurtikita.
Goizean ere istiluak egon dira, eta zortzi lagun atxilotu dituzte Nafarroako hiriburuan.
