Gizartea -
Galvan auzia
Daniel Galvan pederasta itzultzaile izan zen Guardia Zibilarentzat
Institutu armatuak 2004ko uztailaren 25aren eta abenduaren 25aren artean kontratatu zuen Galvan, halere, lau hilabete egon zen lanean.
Erredakzioa
Daniel Galvan pederastak (Marokoko Gobernuak indultua eman zion erruz) itzultzaile moduan Torreviejako (Alacant) Guardia Zibilarentzat lan egin zuen lau hilabetez, 2004an, haren kontratua bost hilabetekoa zen arren.
Barne Ministeriotik azaldu dutenez, Institutu armatuak 2004ko uztailaren 25aren eta abenduaren 25aren artean kontratatu zuen Galvan, halere, lau hilabete egon zen lanean.
Kontratua ingelesa, frantsesa eta arabiera itzultzeko zen, iturriek esan dutenez.
Galvan abuztuaren 5ean atxilotu zuten, Murtzian, Marokoko erregeak emandako indultua indargabetu ostean.
Abuztuaren 6an, Auzitegi Nazionalak kartzelan sartzea eskatu zuen, behin-behineko neurrian, ihes egiteko arriskuagatik, eta ezarritako zigorraren larritagunagatik (30 urteko kartzela-zigorra).
