Elur-jausi batek hiru adingabe harrapatu ditu Formigalen

Elur-jausi batek hiru adingabe harrapatu ditu azpian Formigaleko eski-pistetan, Anayet eta Sarrios artean, Pico Royo eremuan. 13:40 izan da ezbeharra eta eskiatzen ari zen pertsona batek eman die abisua larrialdi-zerbitzuei.

Aramon Taldeak, Formigal bere gain hartzen duen elkarteak, adierazi duenez, haurretako bat oso larri eraman dute helikopteroz Zaragozako ospitalera, eta bere egoera kritikoa da.

Gainera, elur-jausiak beste bi pertsona ere harrapatu ditu, baina euren kasa atera dira eta ez dira zauritu. Bestalde, eski estazioko langileek eta Guardia Zibilak ikerketa abiatu dute elur-jausia zerk eragin duen argitzeko.