Etxegabetzeak -
Epaiaren balorazioa
Kaleratzeak Stopek martxan dauden etxegabetzeak gelditzea espero du
Europar Batasuneko Justizia Epaitegiak legez kanpokotzat jo du etxegabetzeei buruzko Espainiako legedia.
Erredakzioa
EAEko Kaleratzeak Stop Elkartea pozik agertu da Europar Batasuneko Justizia Auzitegiak legez kanpokotzat jo duelako etxegabetzeei buruko Espainiako legedia. "Epaiari esker, martxan dauden kaleratzeak gelditu ahal izango dituzte epaileek", gaineratu du elkarteak.
Ohar bidez azaldu du orain PPren esku dagoela etxegabetzeen gainean Diputatuen Kongresuan tramitera onartu den herri ekimen legegilea aurrera ateratzea.
Etxegabetzeen gaineko Espainiako legedia "oso bidegabea" da, Kaleratzeak Stop elkartearen arabera. Horren arabera, herri ekimen legegilean jasotzen diren proposamenak onartzen badira, etxetik bota dituzten edota etxerik gabe gelditzeko zorian daudenen drama arindu ahal izango omen da.
Europar Batasuneko Justizia Auzitegiaren iritziz, "Espainiako araudia Europar Batasuneko Zuzenbidearen kontrakoa da, epaileari etxegabetzeen prozedura gelditzea galarazten diolako".
Etxegabetzeen gaineko Espainiako araudiak kontsumitzaileen babesteko Europako legedia urratzen duela ebatzi du Europar Batasuneko Justizia Auzitegiak.
