Suhiltzaileak Jaizkibel mendian piztutako sua itzaltzeko lanean ari dira

Pasai Donibanen, Jaizkibel mendiaren magalean, piztu da sua, itsaso aldean. Oraingoz ez dute suaren tamainaren gaineko informaziorik eman, baina haizea indartsu dabil inguruan. Hain zuzen ere, Eusko Jaurlaritzako Segurtasun Sailak abisu horia ezarri du gauerdira arte, baso-sute arriskua dela eta.