Ekonomia -

Lan ezbeharra Nafarroan

52 urteko behargin bat hil da Arbizun izandako lan istripu batean

Zorigaiztoko ezbeharra goizean gertatu da etxebizitza bat zaharberritzeko lanetan. Argitu gabeko arrazoiak direla eta, eraikuntza materialak zeramatzan kamioi baten zama gainera erori zaio gizonari.

Istripua izan den tokia. Argazkia: @policiaforal_na
Istripua izan den tokia.

Istripua izan den tokia. Argazkia: @policiaforal_na

Agentziak | EITB Media

Whatsapp Facebook Twitter Telegram Email

52 urteko gizonezko bat hil da gaur Arbizun (Nafarroa), lan istripu batean, Nafarroako Gobernuak jakinarazi duenez. Beharginari eraikuntza materialak zeramatzan kamioi baten zama gainera etorri zaio hura deskargatzen ari zenean.

09:14 aldera izan dute larrialdi zerbitzuek lan ezbeharraren berri. Altsasuko suhiltzaileak, osasun langileak eta Foruzaingoaren patruilak bertaratu dira, baita medikalizatutako anbulantzia bat ere.

Arbizuko herrigunean zaharberritzen ari diren etxebizitza baten lanetan gertatu da zorigaitzeko istripua, eraikuntza materialak zeramatzan kamioi bat husten ari zirenean. Argitu gabeko arrazoiak direla eta, gainera jausi zaio zama gizonari.

Langilea bertan hil da, eta medikuek ezin izan dute haren bizia salbatu.

Hilotza Nafarroako Auzitegi Medikuntzako Institutura eramango dute, autopsia egin diezaioten. Foruzaingoak ikerketa abiatu du istripuaren arrazoiak argitzeko.

Hau zure interesekoa bada, baliteke beste gai hauek ere izatea
Lan-istripuak Nafarroa Ekonomia Eguneko albisteak Albisteak