Ekonomia -
LAN ISTRIPUA
Langile bat zauritu da Oskotzeko nekazarien kooperatiba batean, behi batek kolpea emanda
13:00ak aldera jazo da ezbeharra, orduantxe hartu du langileak animaliaren kolpea. Ospitalera eraman dute, hausturaren bat izan dezakeelakoan.
AGENTZIAK | EITB MEDIA
49 urteko emakume bat ospitalera eraman dute, Oskotzeko nekazarien kooperatibako instalazioetan lanean ari zela behi batek kolpea eman dio eta.
SOS Nafarroak jakitera eman duenez, ezbeharra 13:00ak aldera gertatu da, orduantxe eman dio kolpea animaliak langileari goiko gorputz-adarretan.
Mediku-talde bat eta anbulantzia bertaratu dira, eta zauritua Iruñeko San Miguel klinikara eraman dute.
Foruzaingoa lan-istripuaren nondik norakoak ikertzen ari da.
Hau zure interesekoa bada, baliteke beste gai hauek ere izatea