Financial Timesek Vitotrans sartu du Europan gehien hazi ari diren enpresen artean

Vitotrans Arabako garraio konpainia Europan gehien hazten diren enpresen zerrendan sartu dute, Financial Times egunkari britainiarrak eta Statista aholkularitza enpresak egiten duten zerrendan.

Azken hamar urteetan (2013-2023) gehien hazi diren Europako 300 enpresen artean dago Vitotrans. Hain zuzen ere, 172. postuan dago sailkapen orokorrean, eta gora egiten jarraitzen du. Europa osoan garraio eta logistika sektorean hazkunde handiena duen bederatzigarren enpresa da.

Operadore logistikoa rankingean agertzen den Arabako enpresa bakarra da, azken hamar urteetan % 27,3ko (2013-2023) urteko batez besteko hazkundea lortuta.

Vitotrans salgaien nazioarteko logistika eta garraio enpresa bat da, lehen sektorean eta produktu freskoan espezializatua, eta 2012an hasi zuen bere ibilbidea.

2023an, konpainiak 16.000 kamioi baino gehiago mugitu zituen Europa osoan eta Afrika iparraldean zehar.