Greba egunerako ezarritako gutxieneko zerbitzuak

Eusko Jaurlaritzak, zehazki Idoia Mendia bigarren lehendakariorde eta Lan eta Enplegu sailburuak, hilaren 8an sinatu zuen gaurko, martxoaren 12rako, EAEko sektore publikoan deituta dagoen grebarako gutxieneko zerbitzuak. Honako hauek dira:

Osasuna

- Erietxeetan, jaiegunetako ohiko langileekin honako zerbitzuak bermatuko dira: larrialdiak, sukaldea, janari-banaketa, behar-beharrezkoa den garbiketa eta ospitaleratutako gaixoei behar duten arreta. Dialisi-prozesuei eta tratamendu onkologikoei ere eutsiko zaie.  

- Lehen mailako arretan, larunbat bateko beharginekin eskainiko da zerbitzua. 

- % 100eko zerbitzua larrialdietan eta Etengabeko Arreta Guneetan (EAG). 

- Azkenik, call center zerbitzuetan % 50ekoak izango dira gutxieneko zerbitzuak. 

Garraioa

- Autobusak, trenak, tranbia, funikularra eta ibai-garraioa % 30ean arituko dira. Ehuneko hori banatzeko orduan lehenetsi egin beharko dira ordezko garraio-zerbitzurik ez duten lineak edo osasun-zentroetarako direnak.  Era berean, lantokietara sartzeko eta irteteko ordutegiak bete beharko dira bereziki. Greba hasi aurretik hasitako zerbitzuak, hala badagokio, ohiko ibilbidea amaitu arte egiten jarraitu beharko dute.

- Errepideen mantentze-zerbitzua jaiegun bateko langileekin bermatuko da. 

Hezkuntza

- Bi pertsona (bat, zuzendaritza taldekoa eta bestea, plantillakoa, txanda bakoitzeko) ikastetxeetara sartzeko kontrola bermatzeko. 

- Hezkuntza etapa bakoitzeko (Haur Hezkuntza, Lehen Hezkuntza, DBH, Batxilergoa, eta Lanbide Heziketa) irakasle bat.

- Era berean, Lehen Hezkuntzan eta Haur Hezkuntzan, etapa bakoitzean matrikulatutako 100 ikasletik aurrera, irakasle bat gehituko da dagokion etapa bakoitzean. Eta 200 ikasletik aurrera, beste bat, eta horrela, hurrenez hurren, 100 ikasleko.

- Hezkuntza-laguntzako espezialista bat gela bakoitzeko. 

- Hezkuntza Bereziko ikastetxeetan edo hezkuntza bereziko gela egonkorretan, ikasgeletako ohiko langileen % 50.

- Garbiketan (Haur Hezkuntza eta Hezkuntza Berezian), % 50ean arituko dira egunero zoruak, piletak, komunak eta bainuak garbitzen eta hondakin organikoak biltzen.

- Sukaldeko langileei dagokionez, jantoki zerbitzua bermatuko da langileriaren % 10rekin, erraz eta erraz elaboratzen diren elikagaiak prestatuta. 

- EHUn, atezain bat txandako zentroetara sartzeko kontrola bermatzeko, eta irakasle bat, amaierako ebaluazio-maila duten egutegi akademikoan planifikatutakoazterketak egiteko. Musikenen eta Hizkuntza Eskola Ofizialetan, atezain bat txandako eta irakasle bat, azterketak egiteko. 

Gizarte zerbitzuak

- Adinekoentzako egoitzetan, zuzeneko arreta ematen duten langileen % 50ek egingo dute behar, bazkaltzeko ohiko ordutegian izan ezik, eta 08:00etatik 10:30era eta 20: 00etatik 22:00etara, horietan ehuneko hori % 10 igoko baita. Portzentaje hori % 70ra igoko da, erabiltzaileen profilaren % 70 baino gehiago II. edo III. mailako mendetasun maila aitortua duten egoitzetan. Gaueko txandan, zuzeneko arretako langileen % 100ek emango dute zerbitzua, zuzeneko arreta bakarrik eskainita. Osasun langileak eta sukaldekoak % 50ean arituko dira, eta garbitzaileak % 20an. Atezain bat txandako. 

- Eguneko zentroetan, adinekoentzako etxebizitza komunitarioetan eta hezkuntza bereziko zentroetan, bai eta mendetasun- edo desgaitasun-mailaren bat dutenpertsonei eragiten dieten gainerako zentroetan, zerbitzua % 50ean; jatorduetan % 10 handituko da. Era berean, osasun langileen eta sukaldeko langileen % 50 izango dagutxieneko zerbitzua. Gaueko txandan, zuzeneko arretako langileen % 100ek emango dituzte zerbitzuak, zuzeneko arretan. Eguneko Zentroetara joatendiren mendeko pertsonen garraio bereziari eutsiko zaio,  joan-etorriak ezin badira beste modu batera egin. 

- Etxeko laguntzaren sektorean, II. eta III. mendetasun-gradua duten pertsonei soilik emango zaizkie zerbitzuak: janaria, eguneroko higiene pertsonala eta laguntzeko lanak (hitzordua bertan behera utzi ezin daitekeenetan). 

-  Adingabeen egoitzetan, ikastetxeetan eta etxebizitza komunitarioetan, bai eta eskuhartze sozialeko zentroetan ere, jaiegun bati dagozkion zerbitzuak. 

Larrialdiak

- Zerbitzuaren % 100 SOS DEIAKen. Gainerako zerbitzuak (larrialdiei aurre egitea eta meteorologia, suhiltzaileak, larrialdietako igorgailuak eta komunikazioak, errepideen mantentze-lanak,  neguko bidezaintza zerbitzua eta urtegi, ibai eta mendietako larrialdiak barne, Babes Zibila, Euskadiko Trafikoa Kudeatzeko Zentroa...) jaiegun baten pareko langileekin mantendu. 

Justizia

- Besteak beste, honakoak bermatuko dira: guardia zerbitzuaren berezko jarduerak, dokumentuak jasotzea eta erregistratzea, premiazko gaiak organo judizialei banatzea.

- Espetxeetan, presoei bermatuko zaizkie osasun-laguntza, elikadura elikadura, arauzko gutxieneko komunikazioak eta bisitak eta segurtasuna larunbat bateko ohiko langileekin.

- Gazte-justiziako ikastetxeaetan, Zumarragako Ibaiondon, gutxieneko zerbitzuak jai-ostiralei dagozkienak izango dira. Gainerakoetan, jaiegun bateko plantillari eutsiko zaio. 

Energia elektrikoa, gasa eta ura. Energia elektrikoa ekoizteaz eta hornitzeaz, gasa ekoizteaz eta banatzeaz, eta ura arazteaz eta hornitzeaz arduratzen enpresa eta erakundeek zerbitzua emango dute jaiegun bateko langileak mantenduta.

EITB. Eguneroko informazio-zerbitzuak baino ez dira bermatu behar, ohiko ordutegian.

Herritarrekiko harremana. Zuzenean bulegoetan, egoitza eta  txandako behargin bat. Eusko Jaurlaritzaren Informatika Elkartea, EJIEn, jaiegunetako langileak.