Greba Bizkaiko Ostalaritzan, ostegunean eta ostiralean: "Hitzarmenik gabe, ez dago Tourrik"

ELA, LAB, CCOO eta UGT sindikatuek Bizkaiko Ostalaritza sektoreko 20.000 langile inguru deitu dituzte grebara ostegunerako eta ostiralerako, eta elkarretaratzea egin dute gaur patronalaren Bilboko egoitzaren aurrean.

Protesta ekitaldia 13:30 aldera hasi da, langileek "Greba Bizkaiko ostalaritzan, ekainak 29 eta 30. Hitzarmen duin baten alde", zioen pankarta zabaldu dutenean.

Elkarretaratzean, parte-hartzaileek petardoak eta panfletoak bota dituzte, hitzarmen baten aldeko oihuak egin dituzte, eta ohartarazi dute, gatazkan dauden beste kolektibo batzuen mezuen ildo beretik (Ertzaintza, esaterako), "hitzarmenik gabe, ez dagoela Tourrik", datorren larunbatean Bilbotik irtengo den txirrindularitza lasterketari erreferentzia eginez.