Ekonomia -
Etxebizitza
Salgai dauden etxebizitzen eskaintza % 28 erori da Nafarroan azken lau urteotan, eta prezioa % 11 igo da
Espainiako Estatuan, orotara, % 12 murriztu da. Eskari gehien duten merkatuen artean, murrizketa nabarmenetako bat Bilbon izan da, % 29 gutxiago baitaude orain.
Agentziak | EITB Media
Nafarroako etxebizitzen eskaintzak % 28 egin du behera azken lau urteotan, eta prezioak % 11 egin du gora, Idealista atariak egindako ikerketa baten arabera.
Espainiako Estatuan, orotara, eskaintza % 12 jaitsi da azken lau urteotan, 2019ko lehen hiruhilekoko stocka 2023ko aldi berekoarekin alderatuz gero, eta bigarren eskuko etxebizitzen prezioak % 15 igo dira.
Eskari handiena duten merkatuen artean, Valentziakoaren atzetik (eskaintza % 41 jaitsi da), Alacantekoa izan da jaitsierarik handiena (% 32), Zaragozakoa bezalaxe, eta Bilbokoa (% 29 gutxiago) dago sailkapenean ondoren.
Eskaintzak % 22 egin du behera Sevillan, eta Palma Mallorcakoa (% 15 gutxiago), Malaga (% 11), Madril (% 10) eta Bartzelona (% 4) ageri dira jarraian.