Ekonomia -
Ikerketa
Enplegu Departamentuak onartezintzat jo du hautagai bati lan-elkarrizketa batean arropa kentzea eskatzea
Lan Ikuskaritzak ofiziozko ikerketa bat abiarazi du, Meccti. enpresako hautaketa-prozesuan parte hartu zuen emakumeetako batek sare sozialetan argitaratutako bideo bat dela medio. Enpresak barruko arropan geratzea eskatu zien Kuwait Airwayseko hegaldi-azafatetarako hautagaiei.
AGENTZIAK | EITB MEDIA
Joaquin Perez Rey Espainiako Estatuko Enplegu idazkariaren ustez, lanpostu baterako hautagai den pertsona bati barruko arropetan geratzea eskatzea "pertsonen duintasunaren aurka egiten duen praktika onartezina da".
"Enplegurako errekrutatze-mekanismoek ezin dute hain modu larrian inbaditu intimitatea eta duintasuna", esan du Perez Reyk langabeziaren prentsaurrekoan, Meccti erreklutamendu-enpresaren kasuaz galdetu ostean. Izan ere, Kuwait Airwaysen hegaldiko azafatak izateko hautagaiei barruko arropetan geratzea eskatu zien.
Perez Reyk azaldu duenez, Lan Ikuskaritzak ofiziozko ikerketa bat abiarazi du, hautaketa-prozesura joan zen emakumeetako batek sare sozialetan argitaratutako bideo baten ondorioz.
Lan Ministerioaren arabera, ez dago jasota kaltetuetako batek ere bide formaletatik salaketa jarri duenik.
Ikuskaritzak, halaber, gertakariak delitu izan daitezkeen ere ikertzen du, Fiskaltzari jakinarazteko.