Ekonomia -
Finantza erreskatea
Portugalek diru gehiago jasoko du, troikaren azterketa gaindituta
Duela urtebete jasotako 78.000 milioi euroko finantza erreskatearen laguntza zati berri bat jasoko du, 4.000 milioi eurokoa, alegia.
Erredakzioa
Portugalgo Gobernuak jakinarazi duenez, troikak ezarritako laugarren azterketa gainditu du, hori dela eta, herrialdeak 4.000 milioi euroko diru-laguntza zati berria jasoko du.
Vitor Gaspar Portugalgo Finantza ministroak esan duenez, troika osatzen duten hiru erakundeek ( Europako Batzordeak, Nazioarteko Diru Funtsak eta Europako Banku Zentralak) finantza laguntza eman ahal izateko exijitzen dizkioten eskakizun guztiak betetzea lortu du herrialdeak.
Ministroak azpimarratu duenez, Lisboa 2011ko maiatzean troikarekin hitzartutakoa betetzen ari da eta azken azterketa honi begira ezarritako helburu guztiak betetzea lortu dute.
Halaber, Gasparrek herrialdea "atzeraldiaren espiralean" sartu izana ukatu du.
Hala, 2012ko aurreikuspen ekonomikoek BPG % 3 eroriko dela iragartzen duten arren, datorren urtetik aurrera hazkuntza ekonomikoa gauzatuko den itxaropena agertu du.
Portugalgo Gobernuak jakinarazi duenez, troikak ezarritako laugarren azterketa gainditu du, hori dela eta, herrialdeak 4.000 milioi euroko diru-laguntza zati berria jasoko du. Vitor Gaspar Portugalgo Finantza ministroak esan duenez, troika osatzen duten hiru erakundeek ( Europako Batzordeak, Nazioarteko Diru Funtsak eta Europako Banku Zentralak) finantza laguntza eman ahal izateko exijitzen dizkioten eskakizun guztiak betetzea lortu du herrialdeak. Ministroak azpimarratu duenez, Lisboa 2011ko maiatzean troikarekin hitzartutakoa betetzen ari da eta azken azterketa honi begira ezarritako helburu guztiak betetzea lortu dute.Halaber, Gasparrek herrialdea "atzeraldiaren espiralean" sartu izana ukatu du. Hala, 2012ko aurreikuspen ekonomikoek BPG % 3 eroriko dela iragartzen duten arren, datorren urtetik aurrera hazkuntza ekonomikoa gauzatuko den itxaropena agertu du.