Ekonomia -
ELEKTRIZITATEA
Argindarra gasaren topea ezarri zenetik izan duen gehienezko preziora helduko da gaur
Prezioa 436,25 eurokoa izango da megawatt orduko, % 19,4ko igoera asteartearen aldean. Egun horretan ere prezioak igoera historikoa izan du.
AGENTZIAK | EITB MEDIA
Argindarraren prezioa 436,25 eurokoa izango da megawatt orduko asteazken honetan. Horrela, prezioak 'iberiar salbuespena' indarrean jarri zenetik izan duen gehienezko kopurura helduko da.
Prezioak % 19,4ko igoera izango du asteartearen aldean. Egun horretan ere prezioak igoera historikoa izan du.
Preziorik altuena 22:00etatik 23:00etara erregistratuko da, 236,79 euro/MWh-rekin. Preziorik baxuena, berriz, 17:00etatik 18:00etara izango da, 140,07 euro/MWh-koa.
Iberiar salbuespen hori egon ezean, Espainiako argindarraren prezioa 502,11 euro/MWh izango litzateke, 65,86 euro/MWh garestiago.
Europako beste herrialdeetan ere argindarraren prezioak markak hautsiko ditu; Frantzian 645 euro/MWh-koa izango da, Alemanian 624 euro/MWh-koa eta Belgikan 611 euro/MWh-koa.
