Ekonomia -
Lan-istripua
Behargin bat hil da Baionan
Garabi bat gidatzen ari zela, erori egin da etxebizitza baten gainera eta gidaria hil egin da. Ezbeharra San Izpiritu auzoan gertatu da 14:00ak aldera. Etxebizitzako 22 bizilagun, tartean lau haur, Ibis hotelera eraman behar izan dituzte.
EiTB Media
Langile bat hil da Baionan (Lapurdi), Euskadi Irratiak jakitera eman duenez.
Garabi bat gidatzen ari zela, erori egin da etxebizitza baten gainera eta gidaria hil egin da.
Ezbeharra San Izpiritu auzoan gertatu da 14:00ak aldera.
Etxebizitzako 22 bizilagun, tartean lau haur, Ibis hotelera eraman behar izan dituzte.
Baionako suprefetak azaldu duenez, "zoritxarrez garabiaren gidaria hil da". Beste hainbat pertsona ikusitakoarekin eta kolpearen dardararekin shock egoeran direla erantsi du.
Atzo bertan instalatu zuten garabia, lau zutabetan oinarrituta, eta dirudienez, zutabeetako batek ez du pisua eutsi eta horregatik erori da garabia.
Istripuaren ondorioz, zirkulazioa eten eta errepidea itxi behar izan dute Charles-Vaillant zubiaren eta San Izpirituko zubiaren artean. Ostegun goizera arte itxita egongo da, errepidea garbitzeko.