Energiaren prezioak markak hautsi ditu

Duela bi aste Errusiak Ukrainan hasi zuen gerrak energiaren prezioaren gorakada eragin du, argindarrarena, gasa naturalarena nahiz petrolioarena.

Europako handizkako merkatuetan, argindarraren prezioak 400 euro megawatt orduko langa gainditu du astelehen honetan eta asteartean 500 euritik gora egongo da hainbat herrialdetan, tartean Espainian, eta ordutegi zehatzen 700 euroraino iritsi daiteke.

Argindarraren prezioaren gorakadaren atzean gas naturala dago. Ziklo konbinatuko zentraletan erabiltzen da gasa ate horren arabera ezartze da prezioa.

Europar Batasunak inportatzen duen gasaren % 40 Errusiatik dator eta Vladimir Putinen herrialdeari jarriko omen dizkioten zigorrek ziurgabetasuna eragin dute. Europar Batasunak gas errusiarra erosteari utz diezaiokeela ikusita, energi iturri horren prezioak gora egin du.  

TTF Holandako plataforman negoziatutako gas naturalaren kontratuek 335 euro/MWh-ko kotizatu dute egunaren hasieran, baina goizean zehar erlaxatzen joan dira eta 270 euroraino jaitsi dira.

Brent petrolio europarrak 123,21 dolarrean kotizatzen du gaur Londresko etorkizunekoen merkatuan, atzo baino % 4,26 gehiago. Azken 14 urteotako zifrarik altueneran iritsi da egunean zehar.

Horrez gain, Errusian ekoitzitako metalen prezioak igo egin dira, aluminioa lehen aldiz tonaren 4.000 dolarreko muga gaindituz; kobrea eta paladioa, berriz, maximo historiko berrietara iritsi dira: 10.845 dolar tonako eta 3442,47 dolar ontzako, hurrenez hurren.