Ekonomia -
2021EKO EMAITZAK
Makina-erremintaren sektoreak pandemia aurreko fakturazio datuak gainditzea espero du aurten
AFM Espainiako Makina-erremintaren Ekoizleen Federazioak 2021eko emaitzen eta sektorearen aurreikuspenen berri eman du. Oro har, "urte ona", baina sektorearen arabera "nahiko desberdina" izan dela nabarmendu du.
AGENTZIAK | EITB MEDIA
Makina-erremintaren sektoreak pandemia aurreko fakturazio datuak gainditzea espero du aurten. Iaz, fakturazioa % 15,40 hazi zen, 1.528 milioi euroraino.
AFM Espainiako Makina-erremintaren Ekoizleen Federazioak 2021eko emaitzen eta sektorearen aurreikuspenen berri eman du, gaur, ohar baten bidez. Horren arabera, "neurri handi batean" berreskuratu du covid-19ak salmentetan eragin zuen beherakada.
Xabier Ortueta AFMko zuzendari nagusiaren esanetan, 2021a, oro har, "urte ona", baina sektorearen arabera "nahiko desberdina" izan zen.
Ortuetak ziurtatu du sektorea "errebote" efektu baten erdian dagoela nabarmendu du Ortuetak, pandemiaren lehen sei hilabeteetan izandako "beherakada bortitzaren" ondoren. Orain, hornidura katean sortutako arazoak kudeatu behar dituztela gaineratu du.
Bestalde, esportazioak % 19,72 igo ziren iaz, eta Ameriketako Estatu Batuak, Txina, Alemania, Italia eta Frantzia izan ziren merkatu garrantzitsuenak.
