Espainiako Gobernuak Etxebizitzaren Legea onartu du

Espainiako Gobernuak Etxebizitzarako Eskubidearen aldeko lege-proiektua onartu du astearte honetan, eta orain Gorteetara eramango du. Bertan, premiazko prozeduraren bidez izapidetuko da, Berreskurapen, Eraldaketa eta Erresilientzia Planaren mugarrietako bat betetzeko.

"Lege zorrotza, sendoa, trinkoa eta zeharkakoa da, etxebizitzak izan behar duen izaera soziala blindatzen duena", esan du Raquel Sanchez Garraio, Mugikortasun eta Hiri Agendaren ministroak Ministroen Kontseiluaren osteko prentsaurrekoan.

Testua konstituzio-eskubide hori arautuko duen lehen legea izango da, eta neurriak hartuko ditu etxebizitza-parke publikoak indartzeko eta parke horiek eskuratzeko, eskaintza arrazoizko prezioetan handituko duten tresnen bidez.