Ekonomia -
LANA
Gasteizko Mercedes lantegiak astelehenetik ostiralera lan egingo du datorren astean
Mercedesen Gasteizko lantegian hiru txandatan arituko dira datorren astean, astelehenetik ostiralera. Halaber, muntaia eta pintura sektoreetako langileek otsaileko hiru larunbatetan lan egin beharko dute.
AGENTZIAK | EITB MEDIA
Gasteizko Mercedes lantegiak "printzipioz" hiru txandatan lan egingo du datorren astean, astelehenetik ostiralera, zuzendaritzak ostiral honetan ohar bidez jakinarazi duenez. Halaber, muntaia eta pintura sektoreetako beharginei baieztatu die otsaileko hiru larunbatetan (12, 19 eta 26) lan egin beharko dutela.
Hornikuntzaren inguruko "ziurgabetasuna" mantentzen den arren, ekoizpen konpromisoak betetzeko "ahalegin guztiak" egiten ari dela nabarmendu du zuzendaritzak.
Hain zuzen ere, hornikuntza arazoak tarteko, hainbat aldiz eten behar izan dute ekoizpena Gasteizko Mercedesen azken hilabeteetan. Azkenak, abenduaren 17tik urtarrilaren 3ra iraun zuen.
