Ekonomia -
Lan-ezbeharrak
Langile bat hil da ondoezak jota, Loiun
LABek salatu du "larria" dela traumatikoak ez diren heriotzen gorakada, eta horren atzean "bizitzeko eta lan egiteko baldintza txarrak" daudela.
agentziak | eitb media
LAB sindikatuak salatu du hiru direla aste honetan hildako langileak, asteazkenean Loiuko Lantegi Batuen zentroan 39 urteko bat ondoezak jota zendu ostean.
Sindikatuak azpimarratu du "lan istripuen sarraskiak etenik ez" duela, izan ere, 27 omen dira Euskal Herrian aurten hildako langileak.
Langilearen senide eta gertukoei elkartasuna adierazi ostean, LABek esan du "larria" dela traumatikoak ez diren heriotzen gorakada, eta horren atzean "bizitzeko eta lan egiteko baldintza txarrak" daudela.
Lan-istripu ez traumatikoak dira lanean izandako heriotzen "lehenengo kausa", eta hala izan ziren 2020an lautik bat.
