Ekonomia -
LAN GATAZKA
3.798 langile kaleratzeko asmoa 2.935ra murriztu du BBVAk
Ostiral honetan amaitzen da BBVAk aurkeztutako lan-erregulazioko espedientea negoziatzeko epea.
EITB MEDIA | AGENTZIAK
BBVAk 2.935 langile kaleratzeko asmoa proposatu die sindikatuei, hasieran aurreikusi baino 863 gutxiago, CCOO eta UGT sindikatuek atzo jakinarazi zutenez.
Gaur amaitzen da BBVAk aurkeztutako lan-erregulazioko espedientea negoziatzeko epea, eta egun horren bezperan egin du bankuak kaleratzeak % 22,7 gutxitzeko proposamena.
CCOO sindikatuak positibotzat jo du murrizketa, eta "nahikoa" ote den aztertuko du orain.
UGT sindikatuak ere balorazio "positiboa" egin du. Kaleratzeak ez ezik, bulegoak ixtea ere eragingo du BBVAren lan-erregulazioko espedienteak. 530 bulego ixteko hasierako proposamena 480ra murriztu da.
