Ekonomia -
25 orduko bilera baten ostean
Nissanek eta sindikatuek akordioa adostu dute Kataluniako fabriketako itxierarako
2.500 bat langile kaleratuko dituzte. Itxiera 2021eko abenduan gauzatuko da, eta langileek lehentasuna izango dute hurrengo inbertitzaileek kontratatzeko.
Agentziak | Erredakzioa
Nissaneko Zuzendaritzak eta sindikatuek akordioa adostu dute asteazken honetan multinazionalak Bartzelonan dituen fabriketako itxierarako. Gune Irekian, Montcadan, Reixacen eta Sant Andreu de la Barcan daude fabrikak, eta, guztira, 2.500 langile baino gehiago kaleratuko dituzte.
Bi aldeek bilera oso luzea egin dute (25 ordutik gorakoa izan da), telematikoki, Kataluniako Generalitatearen Lan Departamentuaren bitartekaritzarekin.
Enpresak konpromisoa hartu du jardueraren etetea 2021eko abendura arte atzeratzea; izan ere, lehen asmoa zen 2020ko amaieran gauzatzea itxiera. Halaber, hitzeman du ez duela inor kaleratuko itxiera egin baino lehen, Enpresa Batzordeak eskatuta zuenez.
Fabrikak itxi arte ez da izango, beraz, behartutako kaleratzerik; hala ere, aukera izango da egoteko, ordura arte, borondatezko baja sustatuak.
Nissaneko fabriketan lekua hartuko duten etorkizuneko industria-inbertitzaileen kontratazioetarako, langileek lehentasuna izango dute, gainera.
Oraingoz, nazioarteko lau enpresak agertu dute interesa Nissaneko fabriketan; horrek ahalbidetuko luke egungo enplegu-mailari eustea.
