Ekonomia -
Lan-istripua
Langile bat hil da Bilboko Portuan izan den istripuan
Antza denez, kamioi baten gurpila lehertuta gertatu da ezbeharra. 37 urte zituen eta Vulcanizados Retuerto enpresako behargina zen.
AGENTZIAK | ERREDAKZIOA
Langile bat hil da arratsalde honetan Bilboko Portuan, Santurtzin, izan den lan-istripuan. 37 urte zituen eta Vulcanizados Retuerto enpresako behargina zen.
Antza denez, kamioi baten gurpila aldatzen ari zen bitartean gertatu da ezbeharra, 16:00ak inguruan. Gurpilak eztanda egin du.
Pertsona batek larrialdi zerbitzuak ohartarazi ditu eta portuko medikuak berehala bertaratu dira, baina ezin izan dute behargina suspertu eta bertan zendu da.