"Volkswagen berriz martxan jartzea seinale ona izango da"

Manu Ayerdi Nafarroako foru gobernuko Enpresa eta Garapen Ekonomikoko kontseilaria 'Amarauna' saioan izan da koronabirusa gainditu ostean. Pandemiak eragin duen krisi sozialari eta ekonomikoari aurre egiteko bere ejekutiboak eta Madrilgo gobernuak hartutako neurri ezberdinei buruz aritu da. Europar Batasunak onartutako larrialdi planaren inguruan, berriz, oso zuhur agertu da, "letra txikia" irakurri beharko dela esan du.