Ekonomia -
U30eko greba orokorra
ELA: "Jarraipenaren inguruko datu faltsuak eman zituen Eusko Jaurlaritzak"
Sindikatu abertzalearen ahotan, bajan, oporretan edo gutxieneko zerbitzuetan zeuden pertsonak "zenbatu" zituen EAEko Exekutiboak, eta horiek ezin zuten grebarik egin.
Agentzia | Erredakzioa
ELA sindikatuaren hitzetan, administrazio publikoan osteguneko greba orokorrak izan zuen jarraipenaren inguruko "datu faltsuak" eskaini zituen Eusko Jaurlaritzak. Lanuztea Euskal Herriko Gutun Sozialak deitu zuen, besteak beste, ELAk eta LABek osatua.
Exekutiboaren arabera, Eusko Jaurlaritzako Administrazio Orokorreko langileen % 16,9k babestu zuen greba orokorra, Osakidetzako beharginen % 7,5ek eta Justiziako langileen % 3k. Hau da, 2013ko azken greba orokorrak lortutako jarraipena baino 10 puntu gutxiago.
ELAk zenbateko horiek kritikatu ditu ohar batean. Sindikatu abertzalearen ahotan, bajan, oporretan edo gutxieneko zerbitzuetan zeuden pertsonak "zenbatu" zituen EAEko Exekutiboak, eta horiek ezin zuten grebarik egin.
ELAk azpimarratu duenez, deialdia "milaka pertsonak" babestu zuten eta "jarraipen zabala" izan zuen. Grebaren arrazoiak "alde batera ez uzteko" eskatu dio sindikatuak Jaurlaritzari, besteak beste, pentsio duinak ziurtatzea eta prekarietatearen aurkako borroka.
