Ekonomia -
Portuetako lan gatazka
Zamaketariek eta patronalak akordioa lortu dute
Itsas portuetako zamaketariak eta Anesco patronala akordio batera iritsi dira bi urte eta erdiko gatazkaren ostean, eta astelehenerako aurreikusita zeukaten greba bertan behera utzi dute.
Agentziak | Erredakzioa
Estatuko Itsasoko Langileen Erakundeak, Anesco patronalak eta Estatuko Portuek agiri bat sinatuko dute astelehenean, Madrilgo Estatuko Portuen egoitzan. Agiriaren bitartez, portu bakoitzeko hitzarmen kolektiboen negoziazioetan zamaketarien lanpostuak babestuko dira.
Astelehenera arte, aurreikusitako greba bertan behera uztea erabaki "partziala" izango da. Akordioa Francisco Gonzalez de Lenak eta Julio Costasek sinatuko dute, gatazka konpontzeko Gobernuak proposatu eta bi aldeen onartutako bi teknikariek. Sindikatuek, asteleheneko grebaz gain, lanuzte partzialak aurreikusita zituzten Espainiako portuetan azaroaren 26tik 30era.
Akordioaren baldintzak ez dira aldatu, baina gainditu beharreko oztopoen artean enpresek kontratazioei buruz erabakitzeko askatasuna mugatzea eta kontratazio berrien zein portuko enpresen aldaketen aurrean lanpostu guztiak bermatzea zeuden. Era berean, beren lanpostuak makinekin amortizatuz gero, aurrejubilaziorako sarbidea hobetzea bermatu behar zen.
Anesco baikor agertu da akordio berriaren aurrean, eta Salvador de la Encinak, Estatuko Portuen Erakunde Publikoko presidenteak, "erabateko gogobetetasuna" erakutsi du lortutako akordioaren aurrean, eta ontzat jo du “une zailetan aurrera eramandako bitartekaritza luzea”.
Estatuko Portuko erakundeak azaldu duenez, behin akordioa lortuta, portuetako edukiontzien terminal guztiak ohiko erritmoan, errendimendu betean eta atzerapenik gabe aritu dira lanean. Sindikatuek bi urte daramatzate akordio berria negoziatzen. Espainiako portu sistema doitzen duen arautegi berrira egokitzeko epea abenduaren 31n amaituko da.