Ekonomia -
Lan-istripua Nafarroan
Langile bat larri zauritu da Allon, sei metroko altueratik behera jausita
Behargina, 21 urteko gizonezkoa, zuntz optikoa jartzen ari zen Nafarroako udalerri horretan. Foruzaingoak ikerketa abiatu du gertatutakoa argitzeko.
Agentziak | Erredakzioa
21 urteko behargin bat larri zauritu zen atzo, asteartea, Allon (Nafarroa) gertatutako lan-istripu batean, Foruzaingoak jakinarazi duenez.
Laneko ezbeharra 16:05ean jazo zen, El Prado kalean. Behargina zuntz optikoa jartzen ari zela, argitu gabeko arrazoiak tarteko, sei metroko altueratik jausi zen.
Erorikoaren ondorioz, hainbat lesio traumatiko egin zituen, eta Nafarroako Ospitale Gunera eraman zuten, larri. Bertan hil da.
Foruzaingoak ikerketa abiatu du lan-istripuaren nondik norakoak argitzeko.