EAEko 10 Administrazio Kontseilutik bakarrean dira emakumeak % 40 gutxienez

Legez Administrazio Kontseiluetan emakumezkoen % 40ko presentzia izatera behartuta dauden enpresetatik % 10,17k bakarrik betetzen du EAEn.

Datu hori "Emakumeak Kontseiluetan" forotik adierazi dute, Bizkaiko Emakumezko Enpresari eta Zuzendarien Elkarteak antolatuta. Administrazio Kontseiluetan eta EAEko Zuzendaritza Organoetan emakumezkoen presentzia areagotzea da helburua.

Informak egindako "Emakumezkoen presentzia euskal enpresetan" ikerketaren arabera, Administrazio Kontseiluetan emakumezkoen % 40ko presentzia izan behar duten 1.229 elkartetik soilik % 10,17k dute EAEn, hau da, 125 elkartek.

Pymesen kasuan, EAEko 40.678 elkartetik 10.112k betetzen dute legea, hau da, % 25ek.

Bestalde, Ibex 35 enpresetatik soilik % 26,2k dute emakumezkoen % 40ko presentzia kontseiluetan.

Estatu mailan, emakumezkoen presentzia % 3,9 igo zen 2018an eta haien pisu erlatiboa % 18,5era igo zen. Ibex 35ek ez du hazkunde bera izan, Kontseiluetako emakumezkoen kopurua igo den arren haien presentzia % 24an geratu baita, Atreviak egindako txosten baten arabera.