Ekonomia -
Bizkaia
Basaurin dietak modu irregularrean kobratu diren ikertzeko eskatu diote Fiskaltzari
Elkarrekin Podemosek salatu duenez, 2005 eta 2017 bitartean Gerardo Ayok hiru erakundetatik jaso zituen otordu-ordainak eta kilometraje-ordainak.
Agentziak | Erredakzioa
Gerardo Ayo Basauriko Kultur Etxeko udal erakundeko zuzendari gerenteak ustez jasotako dieta irregularrak Fiskaltzak iker ditzala eskatu dio Elkarrekin Podemosek Basauriko Udalari. Ayok Basauriko Sozial Antzokia eta kultur etxeak kudeatzen ditu.
Elkarrekin Podemosen arabera, Udalak informazio-espedientea zabaldu dio Gerardo Ayori, 2005 eta 2017 bitartean otordu-ordain eta kilometraje-ordain gisa "diru-kopuru handiak" kobratu baitzituen.
Antza, Ayok hiru erakundetatik jaso zituen dietak: Basauriko Udaletik, Eusko Jaurlaritzatik eta Antzoki, Auditorio, Zirkuitu eta Jaialdietako Espainiako Saretik.
Horren harira, horren inguruko informazioa inplikatutako erakundeei eska diezaiela eskatu dio Basauriko Elkarrekin Podemosek Udalari, Ayok arauz kanpoko dietak kobratu zituen argitzeko.