'Ezin ditugu Aurrekontuak babestu, beste gastu batzuetarako partida baten truke'

Aste honetan Pedro Azpiazu Eusko Jaurlaritzaren Ekonomia eta Ogasun sailburua Eusko Jaurlaritzaren 2020ko Aurrekontuen ildo nagusiak aurkezten ari zaizkie oposizioko alderdiei. Elkarrekin Podemosekin eta PPrekin batzartu ondoren, Pedro Azpiazu EH Bildurekin elkartuko da gaur eguerdian.

Radio Euskadiko "Boulevard" saioan egin dioten elkarrizketan Iker Casanova EH Bilduko legebiltzarkideak adierazi duenez, oraindik Aurrekontuak aurretiazko fasean daude: "Ez dago zirriborrorik, ezta diru-bilketa daturik ere... Entzuteko borondatearekin goaz".

"Gobernuak Aurrekontuak aurrera atera nahi baditu, has dadila lanean, ildo horiek garatzen eta babesak bilatzen. Ezin du aurrekontu itxi batekin etorri eta askotariko gastuetarako 20 milioi daudela esan", esan du EH Bilduko legebiltzarkideak.

Estatutu berriaren eraikuntzan, akordioak bilatzea da garrantzitsuena. Gobernuak uzkur egiten die benetako akordioei. Gure jarrera irekia da", azaldu du.

Casanovaren hitzetan, oraindik ez dute aurkeztutako testu artikulaturen inguruko feedbackik jaso: "Adituen lana luzatzen ari dela interpretatu dugu. Ekainerako amaituta behar zuen. Denborak eta formak betea egin zitekeela uste eta egiaztatu dugu. Azaroan legea prest izatea espero dugu".

Iker Casanovak aurrekontu proiektu itxia eramatea aurpegiratu dio Eusko Jaurlaritzari: "Oposizioko lehen alderdiak ezin du Gobernu bat babestu beste gastu batzuetarako partida baten truke".

Fiskalitatearen inguruan galdetuta, Euskal Autonomia Erkidegoak (EAE) berrikusketa bat egitea beharrezkoa dela iritzi dio. Gehiago eman ahal dutenen eskutik diru-bilketa areagotu behar dela uste du, Europa iparraldeko herrialdeetan egiten duten bezala.

"Bigarren urtez jarraian Aurrekonturik izango ez balitz, gaitasun faltatik gertu kokatuko litzateke Jaurlaritza. Azken sei hilabeteetan Gobernua jardunean dago", azpimarratu du. Haren esanetan, Urkulluren Gobernua ez da diru sarrerak bermatzeko errenta bezalako gai garrantzitsuak "PPrekin edo gurekin" adosteko gai izan.

"Harrituta gaude Nafarroan zein terminotan ezartzen diren osasun hesiak EH Bildurekiko". Edozein kasutan, aro hau gaindituko dela eta egoera normalizatuko denaren itxaropena agertu du.

Jatorrizko informazioa Radio Euskadik landu eta eitb.eus-ek itzuli du.