Ekonomia -
gaixotasun profesionalak
Munduko Osasun Erakundeak gaixotasun gisa onartu du 'langile errearen sindromea'
Lanean pairatutako estres kronikoak eta nekeak eragiten dute 'langile errearen sindromea'.
Agentziak | Erredakzioa
Munduko Osasun Erakundeak gaixotasun profesional gisa onartu du estres kronikoak eta nekeak eragindako Burnout sindromea edo errearen sindromea.
Gaitz horrek hiru ezaugarri ditu: batetik, muturreko nekea edo neke fisiko eta emozionala; bestetik, sentimendu ezkorrak edo lanarekiko zinismoa; eta, hirugarrenik, laneko eraginkortasunaren murrizketa.
"Ahulaldi profesionala ez da bat-batean agertzen, orokorrean bost eta zortzi urteren artean garatzen baita, lantokian gainbehera etengabea eta estres larria jasan ostean. Bestalde, langile oso konprometituei eragiten ohi die neurri handiago batean", azaldu dute Munduko Osasun Erakundeko ordezkariek, 72. Munduko Osasun Bileraren ostean.
Munduko Osasun Erakundeak azaldu duenez, gaitza pairatzen duten langileen profilak areagotu egiten ditu sintomak "errudun sentimendua sortzen dielako eta lanean are gehiago konprometitzen direlako, neke gehiago sortuz eta azkenik ez duen istorioa iraunaraziz".
Gaitz horrek laneko testuinguruan emandako gertakariei dagokie soilik. Horrenbestez, Munduko Osasun Erakundeak jakitera eman duenez, 2022an sartuko dute 'langile errearen sindromea' Gaixotasunen Nazioarteko Zerrendan.