Bi behargin hil dira Zestoan eta Zarautzen izandako lan-istripuetan

Bi langile hil dira astelehen honetan Gipuzkoan, bata Zestoan eta bestea Zarautzen.

Zarauzko lan-istripua 14:00ak inguruan gertatu da, biktima garabi batean lanean ari zenean. Ezustean, garabia behera etorri da eta behargina 30 altueratik erori da. Berehala zendu da.   

Garabiak etxola bat harrapatu du azpian eta beste lagun bat zauritu egin da.

Zestoan, berriz, langile bati mozten ari zen zuhaitza erori zaio gainera eta hil egin da. Ezbeharra Santa Engrazia basoan gertatu da, 09:50 inguruan.