Ekonomia -
lan-istripua
Behargin bat hil da Zarautzen garabi batetik behera erorita
Istripuan, gainera, garabia ere erori da, eta beste langile bat zauritu du.
agentziak | erredakzioa
Langile bat hil da Zarautzen garabi batetik behera 30 metro erorita. Istripuan, garabia ere lurrera erori da eta beste pertsona batek zauri arin bat jasan du, bizkarrean kolpea jaso baitu.
Segurtasun Sailak jakinarazi duenez, istripua 14:05ean gertatu da Zarauzko Añorbe auzoan.
Istripuaren nondik norakoak argitu behar dituzte oraindik. Behargina garabiko kontrapisuak aldatzen ari zen lurrera erori denean; istripuan jasotako zaurien ondorioz zendu da. Gainera, garabia etxola baten gainera erori eta beste lagun bat zauritu da.