Grebarako eskubidea galarazteagatik salatuko du CSIFek Bilboko Aireportuko zuzendaria

Cristina Echeverria Bilboko Aireportuko zuzendariaren kontrako salaketa aurkeztu du CSIFek Bilboko instrukzioko epaitegian, fingers delakoak edo pasaguneak kudeatzen dituzten langileen "grebarako eskubidea erabiltzea galaraztea eta mugatzeagatik". Tramitera onartzen badute kargu-uztea eskatuko duela esan du sindikatuak.

CSIFek gogorarazi duenez, apirilaren 17an Dimaim Systems enpresako hamahiru langileek hasi zuten greba mugagabeak aurrera jarraitzen du.

Zentralaren arabera, gatazka konpontzeko aukerak "oso negatiboak" dira, "enpresak ez duelako inolako akordiorik egin nahi". Salatu duenez, bere ardura "ez da gatazka lehenbailehen konpontzea greba hau aireportuko bidaiariengan sortzen ari den arazoekin konpontzeko".

"Ez dugu ulertzen arrazoibide hori. Hala ere, ezin gaitu harritu, Aenaren ezkutuko babesa dute eta, hori baita hegazkinak banatzen dituena, eta momentu honetara arte bide guztietatik saiatu da Sustapen ministerioak zerbitzu minimoak zehazteko ezarri zituen irizpideak ez betetzen", esan du.

Horren adibidea da, sindikatuaren arabera, Echeverriak hegaldiak pasaguneetara bideratzeko instrukzioa. Horretan, ez du enpresa bakoitzak dauzkan bitartekoen berri ematen, "greban dauden langileen artean defentsa gabezia sortuz", eta gainera, "hegaldiak pasaguneetara bidaltzen ari da aire konpainiek urruneko arreta zerbitzu gehiago dituztela kontuan hartu gabe".

Adibide bat jarri du CSIFek. Iberia taldeak hiru hegaldi urruneko zerbitzuan daukatenean laugarrena pasaguneetara bidaltzea ezarri dute, baina lurreko langileek esan dioten arabera, Iberiak bost hegaldiz arduratu daiteke aldi berean.

CSIFentzat "argi" dago "Sustapen ministerioaren irizpideak" ez dituztela "betetzen", "langileen grebarako eskubidea urratzen duen ekintzetan eroriz".

Zentralak aurreratu duenez, salaketa tramitean onartzen bada, aireportuko zuzendariak kargua berehala uzteko eskatuko du. "Egoera hau eta sortzen ari garen arazoak sakonki deitoratzen ditugu, baina enpresaren jarrerak lan egoera hobeak eskatzeko greba mantentzera behartzen gaitu", esan du.

Egoera "gatazkatsuak eta nahasiak" bitartekoak egokitzean

Sindikatuak esan duenez, Operazioak Koordinatzeko Zentroko langileek eta programazio eta operazioetako teknikoek zuzendariarentzako manifestu bat sinatu dute. Langile horiek esaten dutenez, Aenako arduradunen aldetik "agindu kontrajarriak" jaso dituzte, bitartekoak, stand-ak eta hegazkineratzeko ateak egokitzeko orduan.

Horrek egoera "gatazkatsuak eta nahasiak" sortu ditu bitartekoak egokitzean, "handling konpainien lanean eta hegazkineratzeko ateak egokitzeko baldintzetan ondorio negatiboak eraginez".

"Egoera horietako batean eta emaitza zuzendaritzaren gustukoa izan ez denean, guk hartu ez ditugun erabakien erantzukizuna egotzi digute".

"Ez dagokigu guri aireportuaren erabakien legaltasuna, baina ezta erabakiak hartzerako orduan erantzukizunak gure gain hartzea ere, eskubideen urraketen egoeretan ondorio legalak ekar diezazkiguke eta", gehitu dute.

Horregatik, grebak irauten duen bitartean, urrutiko kudeaketa ala pasaguneetakoa egokitzeko erabakia ez dagokiela haiei esan dute Operazioak Koordinatzeko Zentroko langileek.