Ekonomia -
Astelehenean
Mobilizazio berriak egitea proposatuko die La Navaleko enpresa-batzordeak langileei
Eusko Jaurlaritzak, Espainiako Gobernuak eta sindikatuek ostiralean egin behar zuten bilera bertan behera geratu zen. Ez da beste harremanik izan aldeen artean.
Agentziak | Erredakzioa
La Navaleko enpresa batzordeak astelehenean helaraziko die langileei gatazkaren egoera, ostiralerako aurreikusita zegoen bilera bertan behera geratu ostean, lanpostuak suntsitzeko lan-erregulazioko espedientearen kontsulta epea bukatu baino bi egun lehenago. Eusko Jaurlaritzak, Espainiako Gobernuak eta sindikatuek egin behar zuten bilera.
12:00etan bilduko dira langileak, Sestaoko ontziolan, eta batzordeko iturriek esan dutenez, hurrengo egunetarako mobilizazio berriak egitea proposatuko die langileei enpresa-batzordeak.
Iturri horien arabera, gobernuekin ostiralean egin behar zuten bilera bertan behera utzi ondoren ez da beste harremanik izan aldeen artean.
